صرخة ام

د- اليان سمعان - يكتب....

$::::::::::::::::::::::::::::::::::::$

*/*/*/*/*/* صرخة ام *\*\*\*\*\*

..........................................

الى كل المغتربين في اصقاع الارض

-----------------------------------

ماقدرت لنو بالحلم ضمك ..........

ماقدرت لنو بالخفا شمك .......

صار اللقا احلام ..........

ياترى بيرجع ......

هالقلب شو توجع ......

-----------------------------------

بليلة عتم متل السنونو هيك 

هاجرت

*/*/*/* لو تعرف غيابك شو عمل فيي

حملت شنتات الفقر للغرب 

سافرت

*/*/*/* واحترقت الدمعة يابني بعينيي

ياترى نهدات قلبي ماوصلتك 

واسمعت

*/*/*/* قلبك بعرفو يابني مليان حنية

بعدك ياحبيب الروح النوم 

ماسايرت

*/*/*/* ونار البعد تكوي الصدر فيي

شو ترجيتك حبيبي كتير

واتوجعت

*/*/*/* هيك تتركني لوحوش المسا هدية

ياترى شو صار شي يوم 

فكرت

*/*/*/* بغربتك شو قسيت ماتم حنية

ياما صوتك ليالي عاهتفك 

وانطرت

*/*/*/* وترجع ترد تقول انطري شوية

ماهو بعيني ياغالي قديش 

ماجمعت

*/*/*/* مابيسوى كيلو بطاطا تفوتي عليي

مال قارون يابني وقد 

ماوفرت

*/*/*/* مابيسوى خبزة بايتة ولقمة هنية

ياما بقهوة صباحي صدقتها 

وبصرت

*/*/*/* تقلي راجع وحامللي بايدك هدية

شاب شعرك ياروحي بالغربة 

وختيرت

*/*/*/* دخلك ياغالي رجاع ل ضمك بايديي

راح زين الدار هيك انت 

وعدت

*/*/*/* واعزم حبابك والاهل لايفرحو فيي

**************************************

صباحكم امل ولقاء

صباحكم عودة

صباح الرجاء

للجميع

........................................................

الشاعر السوري المهجري - د اليان سمعان

سفير اكاديمية السلام العالمية في المانيا 

فرع كاليفورنيا - الولايات المتحدة 

.........................................................