ابويا الغالي

محمود عبد العال _ يكتب....

#=================#

ابويا الغالي 

اسم عيالي حرف سين لجل ابويا 

                                                      الغالي

يرحمك يا ابويا يلي فى القلب مش

                                                      عادي

كان نفسك تشوف حبايبى وانت على

                                                      بالى 

احفادك سيد سما سيف ساندى هم 

                                                      اولادي

بيدعولك بجنة الخلد يابا يا أعز من

                                                     عيني 

نفسهم يشفوك ويبوسوك يلي عند 

                                                     الهادي 

مر عليا سنين كنت محتاجلك أيام 

                                                    وليالي

من كتر حبى ليك معزتك أغلى من 

                                                     ابنائي

انت الحتة الشمال الي فى القلب

                                                    الراضي 

سيد القوم خادمهم و عمرك لمكانك

                                                     مالي

افتكرك بالخير دايما ادعيلك لرب

                                                     العاطي

الف رحمة ونور عليك يا حبيبى يا

                                                     غالي

    بقلم محمود عبدالعال

متحاوليش ف يوم

علا فياله _ تكتب...
#==============#
متحاوليش ف يوم

تيجيني وتصالحني

     بأي ورد

أو تجيب معاك غلاوتك

بردوا أبداً مش حارد

يالا إبعد مش كتير

يالا إبعد مش بجد

متحاوليش معايا أبداً

حتلقى في كل محاولة صد

بس حاول معايا تاني

يمكن قلبي ف يوم يرد

بقلمي علا فياله

.يا وحشني

ماهر محمود _ يكتب....

#================#

.يا وحشني. 

ياوحشني وغايب. 

عن عيني. 

و بحبك من 

بعيد لبعيد. 

ابعتلي بكلمه. 

تطمني تطفي. 

نار ولهيب..... 

ياوحشني 

ومشغولبك بالي. 

ولا كان هواك

علي بالي. 

شفتك ما عرفش. 

ايه اللي جراللي. 

اناكان مال 

الحب ومالي. 

بيجينا الهوى. 

من غير مواعيد. 

ياوحشني....

ان كنت بحبي. 

مش داري....... 

مشغول بغيري. 

ولا انا داري...... 

قولهالي علشان. 

أخد بالي....... 

لوحبك عطف

علي حالي. 

انا هابعد. 

وأريح قلبك. 

ولا أجرح قلب 

يوم حبك. 

يا وحشني. 

كلمات الشاعر. 

ماهر محمود.

موااال

البدري ابراهيم _ يكتب...

#=================#

موااال

حبيبي قلبى يحلم بيك ويناديك 

طول ليلى ونهاري بفكرفييييك

دلنى عليك تعبت وطويت كل طريق

ليه تخلينى سارح بكل المطارح بييك

قولى أحكى لى أمتى

 الاقييك

وأكون فى لحظه بعمرى بين ايدييك

كيف تعذبنى وتغلبنى وتخلينى أنااااجييك

الشاعرالبدرى ابراهيم

.مش عوايدك

ماهر محمود _ يكتب...

#===============#

.مش عوايدك. 

مش عوايدك.

تبقي في حضني.

ومش حسه 

بنبض قلبك 

مش عوايدك... 

اختزلت كل الكلام. 

ليه في  صمتك.... 

فين عهودك 

فين غرامك. 

فين نظراتك

فين مكاني. 

في حضن قلبك.... 

مش عوايدك....... 

كنت باسمع 

كلمة بحبك. 

كل ساعه وكل يوم... 

كنت بحس 

بنبض قلبك. 

وانت بعيد 

عن العيون.. 

كنت بفهم

 من نظراتك. 

كنت بترجم

 حتي سكاتك. 

انهارده وانت

 في حضني. 

حسه نفسي 

بره حياتك. 

مش عوايدك. 

تبقي في حصني

ومش حسه

 بنبض قلبك. 

مش عوايدك 

اختزلت كل الكلام. 

ليه في صمتك. 

مش عوايدك. 

كلمات الشاعر ماهر محمود.

وجع القلوب

محمود عبد العال _ يكتب...

$=================$

وجع القلوب 

لملم علينا يا هوى وكفاية                            تجرح فينا 

     اتاثرنا بما فى الكفاية                           حلمك علينا 

     ده إحنا غلابة يا هوى                             سترك بينا 

اليوم بيعدى علينا واحنا                            مش بأيدينا 

يا شمس يا شموسة كفاية                          رزع فوقينا 

  شكينا القمر ينور دنيتنا                                 وليالينا 

  النجوم غابت فى السما                        تشكى أمانينا 

    يا بحر قولى على فين                                 مودينا 

رسيت شواطئنا والجرح                                  مالينا 

   لا دقنا السعادة وقلوبنا                           طاحت بينا 

 والرزق كمان مش حابب                                  يجينا 

نهرب على فين ده الوجع                        مالى أراضينا 

بقلم محمود عبدالعال

ياليل الحب ليه قاسي

سامح بلال __ يكتب....

#=================#

ياليل الحب ليه قاسي

وليه ديما بتوجعني

وليه بدلت كل أمان

ورافض مرة تسمعني

انا معذور ضحية شوق

وقصة حبي ورديا

غرام كان اسمي ف السابق

وكان الفرح ف عنينا 

وكنت تشوفني نجم سعيد

وكل الناس بتحسدني

لحد ماعين حاسود صابت 

وعلى اللي بحبه بكتني

ومن غير حتى اي أعذار

لقيتها ياليل فارقتني

واديني بقول مسيرها تعود

 بنفس شعورها من تاني

وتيجي تقول انا ظلمتك

ومش ممكن هغيب تاني

أمانة ياليل تقول ليها

ف بُعدك لسه بيعاني

ووصل ليها اشواقى

و عرفها أن وحشاني

وإن فقدت كل حياة

وبغيابها بقيت محصور 

مابين دمعي وأحزاني 

وطمني بحلم ياليل

واوعي تقولي نسياني 

#سامح_بلال

زياره للمقابر

رحيم الشيخ طه _ يكتب..

#==============#

(زياره للمقابر )

كنت  مره بزور  المقابر

ودار  ياما كلام فالخاطر 

اوعى تفكرنفسك  شاطر

ولا دماغك  فيها جواهر

ولا بعلمك. انك   ماهر

دا مهما   تأوح ولا تكابر

ومهما  تتارس  ولاتعافر

ولو عامل فارس او ظافر

اوكنت مشاكس او فاجر

ومهما   تجاهدولا  تهابر

ومهما تكون عابد ومثابر

هتسيب الدنيا وهتسافر

وهترحل وتسيب الحاضر

هتسافر    للعالم    الآخر

مفهش واسطى ولا خواطر

ولاعالم بتهين فى مشاعر

إلحق.نفسك خليك فاكر

ان الموت مش بيشاور

ولا بياخد رأيك ويحاور

ولا يترك  مؤمن ولاكافر

وإياك   بالماال  تتفاخر

ما المال هيزول ويتناثر

واياك بالصحه.تتجاهر

هتروح الصحه وتهاجر

وحاسب من كسرالخاطر

وخليك للخاطردايما جابر

وإياك  تظلم لو يوم قادر

دا بكره هتمشى وهتغادر

واياك. تخدغك المظاهر

ياما عالم غرتها مناظر

ربك عالم بالخفى والظاهر

نضف قلبك.  خليه طاهر

واحمد ربك خليك شاكر

وعلى طاعه ربك كن صابر

ربك راحم  سبحانه غافر

بقلم رحيم الشيخ طه

دلينى يا حلوه

زغلول الطواب ___ يكتب....

#===================#

دلينى يا حلوه

السكه منين 

تايه مش عارف

 أجيلك

دليني السكه منين

وحياتك عندي

يا حته من قلبي

طول الليل سهران 

بالى مشغول ومتحير

وحالتي ويل

بقالي كتير بدور

عليكي يا نور العين

آه لو بس آجى 

لحظه على بالك

تلاقينى ف لحظه قدامك

وأملي عنيا بسحر العين 

طول الليل حاضن صورتك

عاشق ومغرم وبشتاقلك

وإنتي ساكنه قصادى

بس يا خساره

انتى فى وادى

وانا فى وادى

ليل ونهار قلبى

عليكى بينادى

ولا شباك بيفتح

ولا باب موارب

ولا حتى نظره عين

ليه سايقه عليا دلالك

عذبني تقلك وجمالك

قلبى بيدق 

وعقلى حيطق عقبالك

أرحمى قلبى وسهره

والوحده ودمع العين

ليه القسوه والدلال

ليه التقل

 وأنشغال البال

أكمنى بحبك 

وحموت عليكى

تحيرينى وتسهرينى

وتشغلى البال

والله حرام عليكى

العذاب والويل

والوحده والسهر

طول الليل

أنا من الآخر تايه

فى بحر حبك سابح

 وغرقان

أرميلى حبل الوصال

وصلينى لشاطىء قلبك

ودوقى معايا طعم الغرام

بنظره بأبتسامه بكلمه

هترجعيلى حياتى

ف كلمه

أكيد مش حهون عليكي

أسهر متحير طول الليل

وانتى نايمه 

ولا على بالك

طول الليل سهران

إرحمي عذابي وذلي

يا ريت تصبحي 

أو حتى تمسي

نفسي ف مره تنسي

وترمي عليا السلام

كلماتي

زغلول الطواب

بصي لنفسك فى المرايا

سامح بلال _ يكتب....

#===============#

بصي لنفسك فى المرايا 

وقولي جمالي مفيش اخوه 

واللي مش عجباه طريقتك 

ملعون بقى ميتين ابوه 

مش هغير طبع فيا 

ولا هلبس يوم وشوش 

واللي فاكرني هموت عشانه 

يبقى طبعي ميعرفوش 

عمري ماكنت  يوم  ضعيفه 

ولا  مكسورة الجناح 

الحكاية  بس إني 

بقبل  كام عذر  وسماح

ولما  بوصل  للنهايه 

عمري  ماببكي على اللي راح 

بتلاقيني  انضج  وأقوى 

من  دموعي  وم الجراح 

يلا يلا  جت عليكوا 

عدي  الوقت خلاص  وراح

#سامح_بلال

.ما قدرش انساك

ماهر محمود _ يكتب....

$==================$

.ما قدرش انساك.

أنا ما قدرتش

 على نسييانك. 

شاغل قلبي

 هواك وغرامك.

مين في الدنيا. 

يقدر ينسى. 

نظرة عينك. 

ولا كلامك.... 

مين في الدنيا. 

يقدر ينسى. 

لمسه ايدك. 

ولا سلامك. 

انت حبيبي. 

اللى اتمنيته. 

مهما تغيب. 

فى القلب. 

مكانك. 

انا والشوق. 

واقفين علي

بابك طالبين. 

ودك ويا حنانك. 

عارفك طيب. 

جاى قريب. 

مش هاتزيد. 

قسوة حرمانك. 

أوعى تغيب. 

يا أعز حبيب. 

قلبى ليك. 

سكنك عنوانك. 

ما قدرش أنساك. 

اغنيه كلمات الشاعر. 

ماهر محمود.

سـؤال؟؟؟؟

ياسر الوحش _ يكتب...

☆°°°•••°°°☆°°°•••°°°☆

سـؤال؟؟؟؟ 

بسأل سؤال يا بشر .

هو اللبن .

لو وقع فى التراب .

يتشرب ؟؟ 

وبقول ع رايى المثل.

 لو السكر وقع فى الرملة ؟ 

لا يتشال ولا يتقلب 

وبسأل ياناس.

 هى الكلمة.

 من غير حروف تتعرب ؟؟ 

ولا اقول.

 زى أهل زمان .

لو العسل ساب فى البحر؟ 

ولا يتصفى ولا يتشرب 

…

طب الحبيب لوخان.

 يتساب من غير

 لوم ولا عتاب

والصديق لو باع.

 يكون زيه زى الكلاب 

لااااااااا....دا الكلاب وفية .

أما الطبع الرضى غلاب 

ونضحك على نفسنا .

صداقة وحب .

أهوكله كلام كداب 

مبقاش للوفا وجود.

 ولا للكدب حدود.

 والكل هباب 

جارح اوى لما تآمن 

لناس والغدر فيهم.

 من غيرحساب

والاصعب لما يقولوا .

اخويا وصاحبى.

 زى ما قال الكتاب 

وهما بيلعبوا بيك.

 لعبة واخرك معاهم.

 وهم وسراب 

............... 

ولا نقول أمثال .

وأهو كلام يتقال.

 والغالب لة يوم يتغلب 

ولا نعيش أوهام .

واهى عيشة وخيال.

 وأخرتة آة وتعب

ولا نصدق كدبنا .

ونقول أهى دنيا .

عيشانا من غير سبب

ولا نضحك 

فى الوشوش.

 وأهو كله 

عجب العجب 

ولوالحكاية جروح

 وروح بتروح 

ونصيب علينا اتكتب

يبقى نقول خلاص.

 والفاتحة  عالاخلاص.

 ومليون عجب

ماهو صحيح.

 لو اللبن وقع فى التراب

 مستحيل يتشرب 

واى كلمه من غير حروف.

 ولا تتقرى ولا تتعرب 

والسكر لو وقع فى الرمله.

 ولا يتشال ولا يتقلب 

والعسل لو فى البحر ساب.

 ولا يتصفى ولا يتشرب

ياسر الوحش.......

جايين الدنيا نلف

عماد كورشى _ يكتب...

#==================#

جايين الدنيا نلف 

.............

حبيتك أكتر م اللازم أو يمكن كان

لازم أحبك علشان أتعلم أتكلم وأشارك

حد ف تفاصيلى أحكيلك همى وتحكيلى

وارتاحلك وافتحلك بابى تبقى انتى اعز

من صحابى وحبيبتى وبيتى اللى ف 

بيتى حبيتك قد ما حبيتى او يمكن 

اكتر بكثير ولانك أصلا مجنونة كان

قلبك زى البلونة لو سبته يطير موجود

ف حياتك بمزاجك بتغيبى ف وقت ما

بحتاجك و ف وقت ماتحتاجى وجودى

تلاقينى ف ضهرك وف إيدك كنتى انتى

الغلطة اللى انا دايما مابصلحكيش كنت

بعيدك مستسلم جدا لمشاعرى مستمتع

جدا وانا بتذل كان كل ماحبى يزيد 

ليكى بلاقيكى كانك حبك قل انا هعرف 

افوق من اوجاعى لو حبك راح يلوى

دراعى يبقى الموضوع ده مالوش داعى

والبعد هيفضل أفضل حل كل اللى ف

إيدك هتسيبه بسبب وساعات من غير

أسباب الرايح رايح لنصيبه والجاى 

بييجى عشان يتساب حتى اللى مقرب

دلوقتى هيقرب فترة ويتبخر أما اللى 

بيبعد ف هيندم وهيعرف قيمتك متأخر

وهتعرف قيمه ناس برضه ماهو لاانت

ملاك ولاهما كمان كلنا جايين الدنيا 

عشان نتساب ونسيب ونخاف ونخف 

كلنا جايين الدنيا نلف

عماد كورشى

الوش التاني

حسني همام _ يكتب....

☆°°°•••°°°☆°°°•••°°°☆

* الوش التاني *

===========

يا دنيا مالك مش مطوعاني

كل ما اقول هتروقي وتحلي

تسيبيني برده أعاني

يا ترى حظي معاكي كده

ولا انتي معنداني

وعنادك هيستمر ويطول

ولا هيجيلو يوم ويخلص

واشوف منك الوش التاني

ولا هيفضل ملازمني

وكأنه اتخلق علشاني

ما هو لازم شوية أبيض وشوية أسود

ميبقاش كله أسود

ما أنا برده إنسان

طب غيريلي الأسود شوية

وخليه حتى رمادي

عشان افوق شوية من الغيبوبة

واقدر أشوف قدامي

عمالة تطبلي على راسي من غير رحمة

وطبلك صدقيني بيوجع أوي

وبيخليني اتالم وأعاني

خسرت فيكي الأحبة

وفقدت فيكي الخلاني

ناس من أهلي وناسي

رحلوا بلا استئذان

وجيران خرجوا من الأوطان

وغيرهم واقعين في بعض

وبيضحك عليهم الجاني

واتفركشوا الأحبة

وياترى مين هيقدر يجمعهم تاني

ولا زالت أجزاء محتلة من اوطاني

والمال لما اعوزه ملاقيهوش 

أصل المال جبان

والناس اتغيرت كتير

ومعدش فيه أمان

والصحة كمان معدتش مسعداني

يا دنيا كفاية كده بقى

عايز أشوف منك

الوش التاني

حسني همام

جمهورية مصر العربية

16/12/2018

بسم الله

سيد عبد الغني عبد الصمد _ يكتب...

☆°°°•••°°°☆°°°•••°°°☆°°°•••°°°☆

بسم الله

سَمِّى معايا ويللا نعدى

إيدك هاتها وإمسك يدى

نبدأ تانى 

خطوة جديدة

ثابتة وهادية

جريئة عنيدة

يدك مع يدى

نجرى نهدى

يللا نغنى غنوة لبلدى

خللى ديانتك هى ديانتك

زى ديانتى ماهى ديانتى

لاتغير إسمك ولاإسمى

خللى سفينتك هى سفينتى

لجل عيونها راح نتوحد 

نبقى أنا وإنت جدار المعبد

نتجمد

نصبح أقوى من الصوان

ونرد السهم ف قلب الرامى

ونْقَطَّع كل جسور بتودى

على أرضه

ومن أرضه تجيب على ارضى

ونعللى كل رايات النصر 

لمانحقق حلمى وحلمك

كل غرامك ويا غرامى

ونعللى راية الانسان

#بقلمى@سيدعبدالغنى عبدالصمد

بقربك بحبك وفي بعدك بحبك

ام ابراهيم المرعي _ تكتب...

☆°°°•••°°°☆°°°•••°°°☆

'بقربك بحبك وفي بعدك بحبك❤'؛؛

_يعني متل شي نجمه رضت تبقى بعيده وتضوي بس لإلك

_بحبك كثر مافي مسافات وشوارع بيناتنا...

_بحبك أنا بجنوون..بعمري لغيرك مابكوون

_دايما بدعي لربي انو يكون في طريقه لقابلك فيها...

_بتمنى فجأه يختفي هالبعد عنا..،

ويصير الباب عالباب كل ما اشتقتلك اشوفك

_عبالي اقعد وحط راسي عكتفك ..اشكيلك

قلك انو انا اشتقتلك وبحبك

قلك انو بكره البعد ...وبحب قربك

احكيلك اديش كنت احلم بلحظه اني كون حدك

وتحكيلي..انسي كلشي المهم التقينا

                  غربتي بعدك ولقياك وطن.انت الي كل الدني

     

                      💙.ياكل الدني

 بقلمي ام ابراهيم المرعي

كتبت وصيتي

علي عبد الكريم قاووق _ يكتب...

#===================#

كتبت وصيتي ...

ادفنوها جنبي ...!!!

فتشت عليك بالبيت ...

وسألت جدارني ...

من كتر الفراق مليت ...

ومن السهر عيوني دبلاني ...

رد الصدى ليش فليت ...

وتركت الشموع لوحدها ولعاني ...

قلتلهم لحبيبتي حنيت ...

تنام ع صدري وسمعها اغاني ...

اجمل ايام حبي عديت ...

بالساعات والدقايق والثواني ...

متل قلبها ياناس ما لقيت ...

مخلصة وما الها تاني ...

من جمال عيونها جنيت ...

سبحان هالجمال الرباني  ...

ومين شافك وما قال عالنبي صليت ...

وعليك بيحسدوني جيراني ...

وبحلف يمين غيرك ما حبيت ...

ولح ضل للابد بحبك متفاني  ...

كتبت وصيتي وفيها وصيت ...

ادفنوها جنبي حتى ماضل وحداني ...

بقلمي 

علي عبد الكريم قاووق 

15/12/2018

سحر عيون حبيبى

سمير بحر _ يكتب....

$===============$

سحر عيون حبيبى

****&**** 

مشتاق اشوف عيونك ..

والكحل مزين جفونك ..

.يا اجمل عيون فى الكون 

الدنيا لا تحلى بدونك 

بشوف الحياة حلوة بعيونك. .

..مرسومة بجمالك وفنونك

والأمل والتفاؤل فى غضونك 

السما مزخرفة بسحر عيونك  

والبساتين مزهزهة فى غصونك

وفلك وياسمينك تمحى شجونك

وبسماتك تعطر حياتى لكونك

أحلى غنوة وهمسة أعشق سمار لونك

 بيعشقك قلبى ويعشق جنونك

يا اجمل حبيبة فى زمانك 

آه حبيبتى من سحر عيونك 

ربنا يحفظك ويصونك 

****&****

سمير بحر 

****&****