ياسر الوحش _📒🖊_ يكتب.......
$=========================$
ويسألوني ....
وقالوا مالك يا جدع..... ايه اللي خلاك حزين
قولت مافيش صاحب جدع
الكل بياعين
ميعرفوش الوفا ولاحتي بني آدمين
كلاب مسعوره يرزقها بغوره آمين
اللي عامل فيها صادق وهوه شيخ الكدابين
واللي عامل فيها واعظ وهو ابليس لعين
واللي تحسبه عاقل وهو من المجانين
ويقولك انا صالح وهو بتاع مصالح واوطي من الواطين
اصل الحكايه مش كلام والكل مغفلين
ولا انك فهلوي علشان ساكتين
عبيط اوي وغبي ..افتكر اننا جاهلين
علشان بنعدي ونسامح
ونقول العشره متهونش
🔪سكينه الاهل بارده
وسهم الغدر جارح
والخاين عامل نفسه مبيفهمش
ويقول امثال غواني ماتتقلش
ويسالوني مالك يا جدع
كل كلامك وجع
اقول يمكن زعل يمكن ندم!!! معرفش
على سنين ضاعت هدر
على بشر مش بشر
....كل ما تصلحله جنب تلاقي التاني اتكسر
علشان الطبع الردي غلاب
وكان لازم يكون فيه حساب
يلا حسبي الله ف الغدار والخاين والكداب
واللي عامل نفسه اخ ونيته ما تسلمش
ويسألوني مالك يا جدع .....
كله تمام بفضل الله مبخسرش
ولما يكون مافيش فايده
علامك كله ع الفاضي
ونواياهم سوده! ونار جواهم آيده
فلازم تكوون قاضي
وتحكم تفارق ومترجعش.
ويسألوني مالك يا جدع
كل الحروف عندك وجع
اقووول يووووه معرفش
....... .......
......ياسر الوحش....
ليست هناك تعليقات:
إرسال تعليق