سامح بلال __ يكتب...
☆°°°••••°°°☆°°°•••°°°☆
ماتيجي نبدل الأدوار
واقوم مره انا بدورك
اشوف الدنيا زيك يوم
وانسى شكلي وملامحي
اعيش زيك بدون تفكير
وانسى فــ اللي فات وامحي
واهرب حبه من نفسي
ومن حظي اللي ملازمني
واقول للهم والاحزان
بلاش المرة تقاسمني
وسيبني احلم ولو مرة
ولو بخيالي وطموحي
اداري مره فـ دموعي
واعالج حزني وجروحي
بلاش أفضل كده ميت
ومش حاسس بقى بروحي
يادنيا العدل فين قولي
وامتي بفرحي هتبوحي
#سامح_بلال
ليست هناك تعليقات:
إرسال تعليق