أحمد ابراهيم النجار_ يكتب....
#===================#
لمي توبك
لمي توبك فوق دروبك
واعزفي لحن الضياع
ياللي ماشيةفوق انينك
كل حلم فيكي ضاع
اه يا فايته زهر وردك
والربيع فى عنيكي تاه
لمي لمي
ده النهار اصبح هزيل
والانين اللى ف عنيكي
صعب جدا مستحيل
مستحيل الشمس تطلع
بين دروب المنبوزين
مستحيل الفجر يرجع
بين رموش الشقيانين
مستحيل ترجع عيونك بالجمال
ده الزمان اصبح مرير والسنين
صعبة جدا دي السنين
يا جميلة مين بيمسح كل حسنك
مين بيهتك كل حلمك
مين بيقتل الربيع
اه يا عزفة لحن امسك
لحن يومك
لحن بكرة بالأنين
اه يا صبرة لحد بكرة
طب قوليلي لحد فين
لون عيونك بالسواد متكحلين
نهر دمعك فوق دروبك
فاض انين
اااااااااااااااه اهين
يا سمرة اقولي لحد فين
تمشي فوق الجمر وحدك
تجني شوك الجرح وحدك
بين دموع العاشقين
والأنين اللى ف عنيكي
صعب جدا مستحيل
مستحيل الفجر يرجع
بين دروب الشقيانين
بقلم الشاعر المصري احمد ابراهيم النجار
ليست هناك تعليقات:
إرسال تعليق