أحمد السبكي _ يكتب....
$==================$
غاوي...منظره
،،،،، ،
ياللي انت غاوي منظره
ولابسلي جزمه منقره
فكر شويه وقولنا
لازمتها ايه المنظره
ياللي انت غاوي منظره
عارف ابوك كان اسمه ايه
وتعب عليك شوف قد ايه
راجع دفاتر حضرتك
وارجع كمان حبه لوره
ياللي اتت غاوي منظره
العيشه كانت قول يادوب
والدار ماكنش فيها طوب
معموله من قش وحصير
كانت يا يدوب تيجي مندره
ياللي انت غاوي منظره
ومربي كلب في بيتكوا ليه
بتأكله وتصرف عليه
وتنام جنابك جنب حيط
م. الجوع دي وقعه دندره
ياللي انت غاوي منظره
امك كتير تدعي عليك
وكمان اخوك مايحس بيك
راجع في اخر الليل تمام
باين عليك شارب خره
ياللي انت غاوي منظره
البنطلون مقطوع عليك
وكام غوبشه في كف ايديك
وان قولت لك عيب مش كده
ترفع ايديك ذي المره
ياللي انت غاوي منظره
(احمد علي السبكي ()
ليست هناك تعليقات:
إرسال تعليق