سامح بلال __ يكتب...
#===============#
كتب كلام العشق
والحبر مية ورد
صعيدي حامي العرض
و اشعاره ملت الأرض
وصف الآهات والدمع
والظلم والثورات
ردد بعلو الصوت
وعارض البشوات
قال كلنا من طين
بس انتي من تيته
وانا شالت امي الهم
ولابسه توب الوجع
فوق راسها بورنيطة
انت الفلوس والعز
وانا المرار والذل
انت اللي راكب كرتة
وانا اللى بزرع واجد
صابت عضامه السُل
احنا اللي طول العمر
بنوطي للبهوات
قاعدين بينهبو خيرنا
و ثورات تجيب ثورات
وهما زي زمان
حاسبنا م الأموات
ممنوع نقول العدل
أو نحكي عن أزمات
نطلع نلاقي البلد
من عصر فرعون لسه
بتصد ف مؤامرات
ولسه جاري البحث
ع المدعو ياحضارات
#سامح_بلال
ليست هناك تعليقات:
إرسال تعليق