حسن الشوان / يكتب....
$:::::::::::::::::::::::::::$
_ طعم الشهد__
انا مش مستني منك رد
خلاص لوحده الرد جاني
لما لقيت باقات الورد
بتتجمع من علي أغصاني
وعطرك فاح علي بعد
من عز نومي صحاني
و قلبي فرحان بجد
لما الأمل دق بيباني
من بعد ما خدك البعد
ويوم وداعك بكاني
وصدقت معايا بالوعد
ورجعت لي من تاني
تحقق ليا صدق العهد
وتفرشلي أغلي الأمأني
نكمل عمرنا مع بعض
والحياه تعود لبستاني
ونداريها من الحسد
نظراتهم دايما وجعاني
إللي قاصدينها بقصد
يحرموك من حناني
ويمرروا طعم الشهد
في لسانك ولساني
__________________________
............. حسن الشوان
ليست هناك تعليقات:
إرسال تعليق