محمد عناني __ يكتب...
☆°°°•••°°°☆•••°°°•••☆
بنت البلد
================
بنت البلد دى جدعه وأصيله
رغم أن هيه تبان قليلة الحيله
بميت راجل ودى فضيله
ولاهو عيبه ولا رزيله
وأما عن ملامحها
ولو إنت َ ماتعرفهاش
لأول مره تلمحها
حتعرفها
دى أكتر حاجه تعملها
تحط الكحل ف عيونها
لا تعرف روج ولا غيره
جمالها طبيعى وبخيره
كمثل البدر لاح نوره
تراعى ربنا ف بيتها
وبرضه ف زوجها وعيالها
وبيتها هو راس مالها
ودى حقيقه بنعرفها
ومش محتاجه نشرحها
على غدر الزمن تصبر
ست عظيمه تتقدر
على غيرها ما تتكبر
ودايما ً ربها تُشكر
قصه كبيره وحكايه
أصولها الخير ودا كفايه
----------------------
( محمد عنانى )
( الصورة من أعمالى بالألوان المائيه )
ليست هناك تعليقات:
إرسال تعليق