مرقص إقلاديوس _ يكتب...
☆°°°•••°°°☆°°°•••°°°☆
اليوم رقم ٢٣٤٥٦
.........
لو كان للواحد فينا عمرين.
تفتكر إللى ضيع عمره هدر،
كان هيصون التانى
ولا هيضيع الإتنين.
أصل احنا لينا اعمار كتيرة.
عمر عمرنا ما كان وحيد.
كل يوم بالليل بنموت
و مع الفجر
بنصحى على عمر جديد.
يا ترى بتضيعه
يا عمنا السعيد
و بتبقى الخسارة خسارتين.
اراهنكم
إن اللى أنا قلته
كل واحد عارفه منكم.
إنما
سايبين العمر
يجرى بعيد عنكم.
مشغولين باللقمة.
مشغولين بالهدمة.
مع إن سنبلة القمح
ربنا ملبسها توب دهبى.
و أى عصفور على الشجر
بيروح شبعان بيغنى.
بس احنا ما بنفهمش غناه.
و هوا بيقول
اشكرك يا ربى.
طب هأقولك
انوى و النية لله
تنجى شوية
من الأيام اللى جاية.
يا صاحبى
الحياة هتخلص
مش هتفضللك هيا هيا.
يا رب نجينا.
يا رب قوينا.
نعيش نرضيك
الكام عمر
اللى باقيين لينا..
يالا ..كل يوم و إنتم طيبين.
ملاح بحور الحكمة
مرقص إقلاديوس
ليست هناك تعليقات:
إرسال تعليق