أشرف شحاته سليم_يكتب....
$================$
انا ليكي
...............
انا الكلمة اللي محشورة
انا المنسي من الصورة
انا اللي دراعه مكسورة
واقف راجل وقلبي حديد
م أنا حبك كمان عشقك
عايش صاين انا عرضك
ودمي يروي تراب أرضك
وعمري ابدا ما كنت بعيد
انا ليكي ........وانا بيكي
انا الضحكة اللي في عنيكي
انا ابنك.......هاتي ايديكي
نعيش مع بعض عمر جديد
انا مجدافك وأنا شراعك
انا سندك ......وانا دراعك
وانا اللي حاسس اوجاعاك
وعمري ابدا ...ماكنت بعيد
بقلم/ أشرف شحاته سليم
ليست هناك تعليقات:
إرسال تعليق