زغلول الطواب _ يكتب...
$================$
كفايه يا عينى بُكى
وكفياك يا قلبى نواح
إللى حصل وصل
خلاص عدى وراح
ولا نهار الشتا
هيبطل مطر
ولا ليل الصيف
هيبرد الجراح
إللي ضربني
سبقني وإشتكى
ظلمني الظالم وراح
والقاضي لما نظر
عدت عليه
دموع التمساح
الورد لما ينقطف
يميل ولا ينعدل
يدبل و يروح
عطره الفواح
نامى يا عينى
وإبكي ف الدجي
الظلام ظلمة السفاح
وأهدى يا قلبى وأرتاح
ظلمنى وراح
سبقنى وأشتكى
والشكوى مع البُكى
تحرك فى القلوب الجراح
والقاضى لما حكم
خدعته دموع التمساح
يفيد بأيه الندم
بعد ما القلب أنسجن
مهما سكن يفضل نواح
تحت الضلوع يدقدق
كالطبل قداح
النفس لما تنكسر
يفيد بأيه الندم والنواح
الأرض لو ملحت
تفيد بأيه الفلاح
إللى حكم خلاص ظلم
والظالم لما ظلم
فاكر أنه نام وأرتاح
ربك مهما صبر
على الظالم ويمهل
لا يهمل إللي راح
مش هينسى
حق إللى أنظلم
هما طال الزمان وماح
العدل شيمة ربك
يوم الحساب فضاح
تشهد عليك إيديك
ورجلك ولسانك وجلدك
وأي ذنب بوشاح
نام يا قلبى وأطمن
وبطلى يا عينى
بكى ونواح
لابد من إللى ظلم
قلبه فى يوم ينكسر
مهما أفتكر
أن ظلمه ساح
يا ظالم عمر الندم
ما هيرجع إللى راح
إللى يدوق الظلم
ما تبطل عنيه بُكى
ولا قلبه يهدى
ولا يرتاح
آه من الجفون
إللى دابت
من دموع العين
إللى إنسابت
لو كان بأيدى
كنت غمضت عينى
وقفلت على قلبى
بمليون مفتاح
الليل أوقاته
طالت وباخت
حتى القمر
ضيه باهت
والسهر كيف السفيه
واخدني وموادينى
فى بحر الدموع سواح
عنيا كيف المطر
والقلب ما مرتاح
يا ظالم ياللى
قلبك حجر
يوم اللقاء دباح
شكوتى مش للبشر
شكوتى للخالق
الفتاح
الدنيا كيف الغربال
تغربل الأعمال
والآخره ميزان
تفرق بين الفشل
والنجاح
موال (شكوة المظلوم )
بقلمي
زغلول الطواب
ليست هناك تعليقات:
إرسال تعليق