حسني همام _ يكتب...
$================$
* التضحيات *
==========
فيه ناس عايشة في الدنيا
عشان غيرها
كل مجهودها وخيرها لغيرها
بتضحي وتيجي على نفسها أوي
في سبيل غيرها
وبتتحمل صعوبات كتيرة
عشان ما تتكلم على غيرها
وبتحرم نفسها من حاجات
عشان توفرها لغيرها
وبتتنازل عن اشياء كتيره
برضى نفس لغيرها
وتتخلى عن بعض أحلامها
عشان تتحقق أحلام غيرها
ومبتديش أي فرصة لحد
يكلمها وحش على غيرها
عندها عزة نفس كبيرة
مبتتوفرش عند حد غيرها
لما بتحب بتحب باخلاص
غير ناس كتير غيرها
ولو كرهت وده مبيحصلش
بيبقى ملهاش دعوة بغيرها
لما بتخاصم مبتخاصمش حد
إلا بسبب غيرها
ولما بتصالح بتصالح صلح
ميقدرش عليه غيرها
الناس دي إياك تخسرها ابدا
عشان لو خسرتها
مش هتلاقي زيها تاني
أبدا أبدا غيرها
حسني همام
جمهورية مصر العربية
9/1/2019
ليست هناك تعليقات:
إرسال تعليق