محمد الراوي / يكتب....
%::::::::::::::::::::::::::::::::::%
كل أسماء حبيباتي
....
ح .. حب حقيقي عايش فيا
مش هيتغير مش هيتأثر
بأي فراق أو بعد ما بينا
مش محتاج فيه اني افكر
انه حقيقي ف قلبي وروده
وأشجار عمر سنينها بيكبر
أصدق حب حقيقي زار قلبي
وعايش ف قلبي
برغم ان قلبي
ف حبي اليه أوجاعه بتكتر
من أشواق محبوسة
ف سجن الغربة
وأااهات ورا قضبان وآنين
ج .. جاني الحب قابلني زمان
شفته بعيني جميل بالاوان
خدني خطفني سنين وسنين
خاني الحب ياريته ما خان
بعدها روحت ادور عني
ومش بلاقيني ف أي مكان
هان الحب عليه بسهوله
وعمر الحب عليا ما هان
ر .. راوي بيروي ف ورد الحب
وما شاف ورده يوم بيفتح
تايه بين أحزان ودموع
ومش لاقي ل قلبة مكان أو مطرح
جات له إيدين ولاقها بتدواي
وتخلصة من جرح أليم
شاف ف عيونها الحب غناوي
ثوما نجاة فيروز وحليم
بعد الحب بقينا زي ذكرى
بتفكرنا بحب قديم
إ .. إحساس اني خلاص
مش الاقي فرحة أفرحها
بعد عذاب وألام وألام
وألام تاني حالفة تجرحها
حب ومات مات الحب
ما بقاش ليه ف حياتنا أوطان
إحساس ضايع
ف اني هقابله
واني بحبي هكون إنسان
عايش للي بحبه واحبه
واسقيه حب كمان وكمان
وبعد إحساسي لاقتني بموت
قلت الحقني يمكن الاقي
فيه وف حبه
اللي أنا عمري يوم ما لاقيته
عشت معااااه
ولحد إمبارح عايش جنبي
وما حبيته
لكن حبه كل ما اشوفه
واحس بقربه وحرصه وخوفه
اقرب ليه واسيبني اليه
واليوم جيت علشان
افرحكم ان اخيرا
عايش الحب وساكن بيته
حبي ضمير عمره ما بيخون
حبي إيمان
الراوي
ليست هناك تعليقات:
إرسال تعليق