محمد علي حسن / يكتب....
&::::::::::::::::::::::::::::::::::&
عشم قلبها إنك ليها
الحضن الدافي ف لياليها
عشم قلبها إنك بس
الروح اللي عشانها تحس
والنبض الساكن أراضيها
حلم حياتها كان إحساسك
كانت قمرك كانت ناسك
كانت ترسم حضنك قلب
كان القلب أسير إخلاصك
شهد الحلوة خدود رمان
كان الوسط الغصن حنان
لمعة عينها بدمع يسيل
كان الدمع الغالي دليل
إنها عاشقه القرب كمان
كان الشعر كإنه الليل
ساحر سارح كله نجوم
كان الورد أميرة وديل
نازل كده ع الضهر بلوم
أنا مش عايز ليكي بديل
أنا ياحبيبتي ب خف واعوم
#محمد علي حسن
ليست هناك تعليقات:
إرسال تعليق