سامي عبد العال _ يكتب...
#================#
فارد على الشوك خطوتك
دايس بقلبك ع الجراح
والريح بتخنق ضحكتك
حلمك نسيته والبراح
وانت اللي ماشي ف سكتك
لساك بتسأل ع اللي راح..؟
واخداك الامك للمدىٰ
والفجر لساه ماابتدى
مستني حي على الفلاح
والعمر عدى
فوق سفينه محمله
مليون صباح
شايل في كفك شمعتك
ولا حد سامع
صوت بكاك أو أنتكْ
وانت اللي جرحك مستباح
شايل همومك من سنين
والصبر زادك والحنين
قلبك يدق
ونبص قلبك
بتلاقيه دايماً حزين
الغدر خاد حلمك وراح
والكون طرح عناقيد الم
والعتمة صرخات الرياح
ماهو اصلناطرح الالم
وانت اللي مخلوق م العدم
لساك بتغزل غنوتك
رغم ان حلمك مستباح
الشاعر: سامي عبد العال
.............................
ليست هناك تعليقات:
إرسال تعليق