حسني همام _ يكتب...
$================$
« خليك حر في قرارك »
===============
خليك حر في قرارك
وكل شيء خاص بيك يبقى باختيارك
بعد ما تدرس وتشوف وتقارن
البدائل المطروحة أمامك
متخليش حد يملي عليك تصرفاتك
ويؤثر عليك ويغير اتجاهاتك
يمكن الحد ده يكون له مصلحة
وعامل فيها حبيبك قدامك
ويكون خبيث وله مآرب تانية
مش واضحة لك
ويوقعك في الخطأ
من غير ما تاخد بالك
ويخلي فكرتك خطأ عن أشياء
بتبني عليها قرارك
وتحكم على الناس من غير ما تعرف
الحقايق عنهم
وتسمع منهم زي ما سمعت لغيرهم
ما يمكن الحد ده يكون عايز
يخلص منك ومنهم
وبلؤم وخباثة وندالة
يوقع بينك وبينهم
وهو مداري وعامل فيها عبيط
وملوش مصلحة منهم
شغل مخك يا صاحبي واثبت لهم
إن أنت واعي جدا وميضحكش عليك
لا منهم ولا من غيرهم
وإن قرارك من دماغك ومركز
ومش شخليلة في ايدهم
خلي قرارك سليم نابع منك
وفي الحالة دي عمر ما هييجي يوم وتندم
حسني همام
ليست هناك تعليقات:
إرسال تعليق