مرقص إقلاديوس _ يكتب...
$===================$
الصبر يا رب
........
رحت اشترى صبر ،
قاللولى.....
صاحب محل الصبر سمكره و قفله.
عاش طول عمره صابر،
و فى آخر عمره ثار على صبره.
فضلت مدة أددور عليه
و تعبت عشان ألاقيه.
و لما لقيته ..سألته..ليه.
قال..
صبرت على الفقر
زود الصبر فقرى.
و صبرت على الحزن.
زودنى الصبر
حزن على حزنى.
و قلت مع الوقت
هيضيع طعم المر من حلقى.
و العمر عدا و فات
و انا لسه فى بقى طعم مرى.
قلت لنفسى
أتارى المر ده قدرى...
قلتله ..
يا عمى....
ربنا ما خلقش الإنسان عشان يمرره.
ده حافظ عليه صغير و صانه و كببره.
بس عمر الإنسان
ما بيعرف قيمة إللى فى إيده و يقدره.
إنت يا عمنا
عمرك ما عشت صابر.
إنت عشت مستسلم
و طول عمرك مش قادر.
الصبر...
صبر القوى على الضعيف.
الصبر عمره ما كان ضعيف.
و عمره ما كان كفيف.
طول عمره ..عينيه مفتوحة
على ملك الله.
جندى شجاع طموح
يسبح لمولاه.
اللى يصبر
دايما مطمن بالإيمان.
اللى يصبر
دايما بالمحبة شبعان.
اللى يصبر
دايما دايما فرحان.
إللى عاوز يتعلم الصبر صحيح،
لازم يقاوم لئلا اليأس يدوسه.
و لازم يفهم الرضا صح
و يتعلم دروسه.
ملاح بحور الحكمة
مرقص اقلاديوس
ليست هناك تعليقات:
إرسال تعليق