حسني همام _ يكتب...
#=================#
" الفواتير "
=======
الفواتير أصبحت في حياتنا
شئ حقيقي مرير
وكثرت وتنوعت وتعددت
أشكالها وكلها بفلوس كتير
وحملتنا أعباء كثيرة ينوء
عن حملها الرجال الكثير
أحياناً بنقدر نسددها في وقتها
وساعات بناجلها للوقت الأخير
ولما بتتراكم علينا ولابد ندفعها
بنضطر نمد ايدينا للكبير والصغير
طب هنعمل أيه علشان نعيش
فالحياة لابد وأن تسير
وبقى كل همنا إللي بيشغلنا
إزاي اليوم يمر ويسير
ونقدر نكفي نفسنا وبيوتنا واولادنا
ولو بالقليل مش بالكثير
حتى اللي معاه قرش شايله
للزمن اضطر يصرفه بدون تبذير
ولو إنه كان شايله لعوزة
بس ما باليد حيلة ولنا رب كبير
وبقينا عايشين في حيرة كبيرة
وخوف من غير تحذير
ماهو فيه ولاد في المدارس
وكمان في الجامعات ومصاريفها كتير
وبنات على وش جواز ومطلوب
تجهيزهم جهاز للعمر الكبير
وشباب في سن الجواز مطلوب
مساعدتهم في حاجات كتير
وأولاد خلصوا تعليم وقعدتهم
في البيت هم قوي كبير
وساعات أمراض مفاجئة
تحتاج منا القرش الكبير والصغير
وفوق كل ده إرتفاع أسعار
جنوني ملوش أي معايير
يارب خليك معانا ومتتخلاش عنا
ولو إن فينا الشرير والمكير
ماهو لسة فيه بيننا برده
ناس صالحة وبتعاني بشدة من الفواتير
حسني همام
ليست هناك تعليقات:
إرسال تعليق