محمد الراوي _📕🖊_ يكتب...
#======================#
كله يرفع إيده لفوق
وينادي ويقول يا رب
لسا حياتنا غروب وشروق
لسا قلوبنا ف قلبها حب
ما تخليش عمرك مسروق
وتشوف كل مشاعر كدب
أعشق عشق احضن شوق
من غير ما تخاف ولا تهرب
قرب للحب وليه دوق
حط كفوفك فيه واشرب
ياما بيكينا ياما تعبنا
ياما شكينا من حبايبنا
وياما الحب خاد بإيدنا
وخوفنا من تاني ليه يقربنا
وياما الدمع عاش ف عيونا
وياما الحزن فيه غرقنا
وياما الفرح طل علينا
وحزن من بعدنا وفراقنا
قرب للحب وليه دوق
حط كفوفك فيه واشرب
أعشق عشق احضن شوق
من غير ما تخاف ولا تهرب
خوفنا كتير ياما اتغربنا
حتي واحنا ف عز أشوقنا
بنبص ف دقات الساعة
ونحسب ان الوقت سرقنا
الخوف ساكن جوا إحساسنا
بنخجل لو إحساسه لمسنا
وراضين ان يغيب الحب
ونتمناه يرجع لقلوبنا
كله يرفع إيده لفوق
وينادي ويقول يا رب
لسا حياتنا غروب وشروق
لسا قلوبنا ف قلبها حب
الراوي
ليست هناك تعليقات:
إرسال تعليق