سامح بلال _يكتب....
#÷÷÷÷÷÷÷÷÷÷÷÷÷÷#
شدي حيلك
____________
شدي حيلك قلبي عندك
زي منك فيه كتير
كله حب وكله فارق
واللي جرحك واللي خانك
حب تاني وعاش حياته
وانتي لسه الوهم شاغلك
انه بكرة هيعتذرلك
والأمور هتكون بخير
لاء خلاص الوقت عدا
وكل دا مجرد روتين
عاش حياته وباع ماضيكي
واتخذفت أجمل سنين
اصل حُبك كان حكايه
زي الف حكاية غيرك
حب فيها صوره حلوة
شافها زي مشاف ايميلك
شاف سطور ف رسالة شات
كان حروفها الحب هو
وانه هو الحب كله
وأنه كان مصدر لقوة
كنتي تجري ع الرسالة
وانتي نفسك تحضنيها
كان يدق معاها قلبك
وكل ثانية بتفتحيها
كان صباح الخير بوردة
والمسا بيكتب قصيدة
وانتي طيرتي م السعادة
لما قالك انتي غيرهم
صدقيني انتي الوحيدة
وانتي فاهمه كل حاجه
بس من جواك عنيدة
والنهاردة القصة خلصت
والنهايه مش جديدة
قلبي عندك شدي حيلك
المهم انك تقومي
من خسارتك مستفيدة
#سامح_بلال
ليست هناك تعليقات:
إرسال تعليق